KOMBUR PILKADA MADINA DI LOPO KOPI


PILKADA MADINA naonokan dope soi laksanaon ima 70 ari nai. Tai pambicaraan satontang balon pilkada Madinaon mandung jot-jot dei ibahas dongan-dongan di bahat tempat. Inda tarkacuali di lopo kopi. Songon tolu ari nalewat, dompak kehe au minum tu lopo Pak LO :-). Sude naadong di lopoi marsidokon-dokononna satontang pambinotoan ni ibana mangenai balon bupati Madina 2010-2015. Satiop halak mancaritoon kalebihan balon pilihanna. Kadang mampartahankon pandapotna ra marsirisaan, šŸ™‚ šŸ™‚ tai inda sampe marbada arana tukar pikiran do, dungi buse mandung onokdo sude marsitandaan ditamba buse rap sabanjar (inang go inang šŸ™‚ ) Mandung saling maklum be do sude. Dungi rap tahan do di risak arana songon namarsianyang do. Disi mantong marsidokon kaunggulan ni pilihan masing-masing. Jadi naso binoto saonok naon manjadi binoto (tul) martambama jadina pambinotoan niba satontang balon pilkada Madinaon.
Bope soni lek utulis juo dope balon Bupati /wakil Bupati Madina periode 2010-2015. On bakal calon dopeon koum arana indape adong pangumuman sian KPU satontang calon Bupati/wakil bupati nangkan ita pili. Awal bulan April dope pangumuman sian KPU sanga calon najia nangkan ita pili. Adong dope waktuna ita parnipion sanga ise do ita pili. Arana sude balonon rap padedo, tai inda antong bisa sude dipili, Angkon sada do ita pili sian calon nangkan i umumkon KPU awal April on, olo da koum. Ulang lupa da.
Onma balon Bupati / wakil bupati 2010-2012.

1. Irwan Hamdani Daulay Spd/ H. Samad Lubis SE.

2. HM Hidayat Batubara/ H Dahlan Hasan Nasution

3. Drs Arsyad Lubis / Azwar Indra Nasution

4. Indra Porkas Lubis/ H Firdaus Nasution

5. Aswin Parinduri/ Drs Safaruddin Lubis

6. H Zulparmin Lubis/ Ir Ongku Nasution

mudah-mudahan tulisan on marguna tu ita sude nangkan malaksanaon pesta demokrasi di Madina na ita cintai on.

Iklan

4 responses to “KOMBUR PILKADA MADINA DI LOPO KOPI

  1. Ping-balik: Sebarkan Cinta dan Kegembiraan Setiap Hari « Beauty and The Best

  2. ami na diranto cuma bisa man do’a kon bupati na tarpilih di bulan juni on na cocok tu warga Madina, na bisa maningkatkon kesejahteraan rakyat Madina sasude na

  3. Mari ma ita sama-sama mandoa agar pelaksanaan pilkada di Madina on marjalan sukses dohot inda adong bondul na manghalangi palaksanaanna. Dungi bupati natarpili di bulan juni on ima bupati natarbaik untuk masyararakat Madina.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s